Кызыл кожууннуң Культура эргелелиниң өмүнээзинден билиглер хүнү - сентябрь бирээ таварыштыр байыр чедириишкинин болгаш эң-не чаагай, чырык күзээшкиннерни хүлээп ап көрүңер!
Бистиң Кызыл кожуунда уругларның немелде өөредилге шугумунда дөрт уран чүүл школалары чедиишкинниг ажылдап, чаштарывыстың бүгү талалыг сайзыраарынга болгаш чаагай мөзү-шынарлыг өзеринге улуг үлүүн киирип турар. Ол дээрге Каа-Хем суурнуң, Сукпак, Кур-Чер сумуларның уругларның уран чүүл школалары база Шамбалыг суурнуң уругларның уран чүүл школазы болгаш ооң Кара-Хаак суурда салбыры-дыр.
Ук өөредилге черлери республиканың салым-чаяанныг чаштар белеткээр адырның чардынмас, быжыг кезээ болуп чоруурунга чоргаарланыр бис. Чаа өөредилге чылында уран чүүл школаларынга өзүп орар салгалдарывыстың сагыш-сеткил хөгжүлдези дээш буянныг ажыл-ижинге чаа-чаа чедиишкиннерни күзеп тур бис!
Билиглер хүнү-биле! Эргим уруглар, башкылар болгаш ада-иелер!
01 Сен.
